Республика Үкіметі «Қазақстан: 20 жыл орнықты өсу, инвестициялар мен тұрақты ынтымақтастықтың жаңа көкжиектері» VI Еуразиялық Форумын Қазақстанның халықаралық энергетикалық ынтымақтастықты дамыту бойынша жалпы саясатын іске асыру жолындағы маңызды қадам деп санап, оны өткізуді қоштайды.Біздің еліміз еуразиялық және ғаламшарлық энергетикалық нарықта барған сайын өсіп келе жатқан рөл атқарады.

Мұндай мәртебе Қазақстанның мұнай-газ кешенніің позицияларын бүгінгі сан алуан әлемде ілгерілету үшін, оның өкілдерінің саяси белсенділігін тиісінше үдетуді қажет етеді.Сіздің Форум олар үшін мүмкіншіліктер жасайтын ғалами энергетикалық үдеріске қатысушылардың арасындағы кездесулер, пікірсайыстар, жанжақты сұхбат алдыға қойылған мақсаттарды шешудің тиімді құралы болып табылады.Бүгінгі Форум Қазақстан мен оның мұнай-газ саласы үшін айтулы жылы өткізілуде.

Еліміздің тәуелсіздігіне, сондай-ақ жаңа Қазақстанда инвестициялық серіктестіктің символына айналған ең ірі мұнай кен орыны – Теңізді қазбалаудың басталғанына 20 жыл толады.Бұл келелі күндер мемлекеттің даму жолында қысқа мерзімнің ішінде қандай зор жолды жүріп өткенін, оған энергетикалық кешеннің, сіздердің Қауымдастықтарыңыздың құрамында біріккен кәсіпорындар мен ұйымдардың қандай үлес қосқанын еске салады.

VI KAZENERGY Форумы елде осы жылдарда орын алған өзгерістерді ой елегінен өткізумен қатар, Қазақстанның Президенті мемлекеттің және саланың алдына қойған жаңа міндеттерді пысықтауға көмектесетініне сенімдімін.Индустриалдыө-инновациялық жаңарту, әлеуметтік прогрессті үдету, қоғамдық бастаманы жария қылу – бұлар Қазақстанның энергетикалық қоғамдастығы оларды дамытуға белсене ат салысып отырған ұлттық өсу нүктелері.Үкімет осы позицияны, сіздердің халықаралық белсенділіктеріңізді, оны іске асыру тәсілдерін қолдайды. VI KAZENERGY Форумын өткізуге ықпалдасу лсы қолдаудың бір бөлігіне айналмақ!

VI Еуразиялық KAZENERGY форумының қатысушыларына

Құрметті ханымдар мен мырзалар!

Қазақстан Республикасының Мұнай және газ министрлігінің атынан 6-шы Еуразиялық KAZENERGY форумының ұйымдастырушыларын, қатысушылары мен меймандарын құттықтаймын!

KAZENERGY Форумы мемлекеттік құрылымдар мен іскер топтардың өкілдерінің пікір алмасуына арналған, сондай-ақ саланы дамыту жолдарын айқындау және оның көкейтесті мәселелерін шешу үшін конструктивті диалогты дамытуда маңызды рөл атқаратын алаңша болып табылатын кеңінен танымал халықаралық іс-шараға айналды.

Бүгінгі Форум еліміз Тәуелсіздіктің 20 жылдығын атап өтетін уақытта өткізілуде. Тәуелсіздіктің 20 жылында Қазақстан экономикалық, саяси, әлеуметтік дамуда тамаша табыстарға жетті.Осы жылдар бойы мұнай-газ кешені республикада жүріп жатқан экономикалық және әлеуметтік реформалардың қозғалтқыш күші болды. 1995 жылдан 2010 жылға дейінгі кезеңде Қазақстанның көмірсутек секторына $104 миллиардқа жуық шетелдік және ішкі инвестициялар жұмсалды.

Құрметпен, Сауат Мыңбаев, Министр

 

 2011 жылы Қазақстан Республикасы мемлекеттік тәуелсіздікке ие болуының 20 жылдығын атап өтеді. Осы жылдардың ішінде еліміз серпінді әрі тұрақты дамып келе жатқан беделді егеменді мемлекет және әлемдік қоғамдастықтың толыққанды мүшесі ретінде орнықты. Осы үдерістерге тек елдің экономикалық өсуінің және жаңаруының локомотивіне ғана емес, сонымен қатар мемлекеттік институттардың, шетелдік инвесторлар мен жекеше кәсіпкерлік бастаманың өзара әрекеттесуінің көрнекі мысалына айналған Қазақстан экономикасының энергетикалық секторы аз үлес қосқан жоқ. 1990-шы жылдардың басынан бері мұнай мен газ конденсатының жылдық өндірісі төрт есе дерлік, 79,7 млн тоннаға дейін ұлғайды, бұл ұлттық экономиканың он еселіктен астам экономикалық өсуіне айтарлықтай дәрежеде себін тигізді. Бірлесіп күш салып,, біз Қазақстанның ғалами мұнай нарығындағы үлесін екі есе дерлік ұлғайттық, ал уран өндіру бойынша еліміз әлемдегі көшбасылық орынға – 2010 жылы 17,8 мың тоннаға шықты. 2015 жылдың өзіне қарай елде мұнай мен конденсат өндірісі жылына 95 млн тоннаға, табиғи газ – жылына 59 млрд текше метрден астамға жетеді.

Энергетикалық кешеннің орнықты әрі серпінді құрылымы қалыптасты: осы жылдардың ішінде біз қомақты инвестициялар тарта алдық, мұнай-газ нарығына қатысушылардың – мемлекеттік және жекеше, отандық және шетелдік, ұлтаралық корпорациялар мен шағын бизнестің мүдделерін теңдестірдік. Бүгінгі таңда біздің басым бағыттарымыз инновациялық дамыту, жергілікті мазмұнды нығайту, бизнестің әлеуметтік жауапкершілігі, қоршаған ортаны тиімді қорғау, іргелі ғылыми зерттеулер мен өндірістік инфрақұрылымның синтезі болуда. Осыған байланысты VI KAZENERGY форумының тақырыптамасы көп нәрсені білдіргендей – «Қазақстан: 20 жыл орнықты өсу, инвестициялар мен тұрақты ынтымақтастықтың жаңа көкжиектері».

Форумның жұмысы индустриялық дамыған және өндіруші державалардың одан әрмен тиімді ынтымақтастығына ықпалдасып, өзара түсіністікті дамытуға және халықаралық серіктестікке септесетініне сенімдімін.

Форумның қатысушыларына басым бағытты мәселелерді талқылауда және өнімді ұсыныстарды қарастыруда жемісті әрі табысты жұмыс тілеймін!